Eis as conclusións tiradas da 1ª convocatória da Mesa dos Birlos, celebrada pasado domingo 4 de marzo nos locais do Clube de Bolos A Carrasca, no concello pontevedrés de Nigrán.

Na foto, poden-se apreciar os momentos prévios das práticas das distintas modalidades presentes na xornada. Mentres xogadores de distintos pontos do país falan das particularidades do seu xogo, a Delegada da Consellaría de Cultura e Deporte de Pontevedra, Marta Souto fala con Daniel Pino, de Brinquedia

Este domingo 12 de marzo a vila luguesa de Lourenzá vai acoller o Torneo Clausura da SUPERLIGA de Billarda que se ven levando a cabo nos últimos meses por toda a comarca da Mariña Luguesa.

Será a pista multiusos de San Xurxo a que acolla apartir das 4 da tarde esta última xornada da LNB 2005-06.

Máis información

Un logotipo deseñado por O Clube da Esquina pasa a ser, depois de cuase un ano de funcionamento da Rede Galega do Xogo Tradicional, a nova imaxe de Brinquedia.

Imaxe simple e crara que transmite movimento e dinamismo sen acoller-se a ningún icono lúdico que puder excluír a ninguén.

Vindouro sábado 4 de marzo é a data elexida para a creación da Mesa dos Birlos, convocatória realizada conxuntamente por Brinquedia - Rede Galega do Xogo Tradicional e pola Federación Galega de Bolos.

Esta Mesa ten como obxectivo reunir ás distintas modalidades do xogo dos Birlos/Bolos existentes ao longo do país e prantexar, nun foro aberto, distintas propostas para a promoción e dinamización deste xogo/desporte tradicional.

A xuntanza coincide co início da Liga de Bolos Celtas, na bisbarra do Val Miñor e Baixo Miño; e á mesma asistirá a Delegada da Consellaría de Cultura de Pontevedra, Marta Souto.

Hoxe 19 de febreiro, dous bairros da capital ourensá (As Eiroás e Seixalvo celebran o Domingo Oleiro dentro dos seus respectivos programas do Entroido.

Nesta xornada terá lugar o Xogo das Olas, xogo consistente nunha roda de homes e/ou mulleres que se lanzan unha ola entre si, perdendo quen a deixe cair e lle escache (Máis información do xogo).

Noutras localidades, como é o caso de Xinzo de Límia, xá celebraron esta xornada pasado domingo 12.

Vindouro 12 de marzo vai ter lugar a 1ª xornada do Campionato Galego de Carrilanas.

Este Campionato nace con un calendário de 18 provas espalladas polo sul do país. A primeira terá lugar no bairro ourensán do Val do Regueiro, con un percurso por estrada local mui pendente na saída, con asfaltado irregular e umha lixeira chaira na metade do trazado.

Este Campionato acolle os Regulamentos que a Federación de Deportes de Inercia establece para cada categoría.

Máis información

No Norte de Lugo preparan-se para umha nova xornada da Liga Nacional de Billarda. Nesta ocasión será Vilamartín Pequeno -no concello lugués de Barreiros- o lugar onde vindouro domingo 19 apartir das 4 da tarde se disputará a penúltima cita da Superliga.

Nesta xornada tambén se vai ponher en xogo o trofeo máis espectacular e importante de todo o campionato, o Palán de Ouro, un prémio que só posúe Ismael, que xunto con Ginés, palanador dos Varal-Media que lidera a LNB, centrarán a disputa deste Torneu.

O Centro de Cultura Popular Xaquín Lourenzo, de Ourense, vai ponher en marcha apartir de vindouro sábado 4 un Seminário de Xogos Populares, orientado nomeadamente aos membros deste colectivo cultural e etnográfico así como a todas as persoas interesadas no tema.

O Seminário desenvolverá-se ao longo de todos os sábados entre 4 e 6 e meia da tarde desde febreiro até maio, rematando na Romaría Etnográfica Raigame que se celebra cada 17 de maio en Vilanova dos Infantes. O lugar de celebración será o Centro Cultural Xaquín Lorenzo, mália tambén ten previstas saídas a distintos lugares da provincia ourensá.

Vindouro venres 3 de febreiro ás 6 e meia do serán, terá lugar nos locais do MUPEGA (en San Lázaro - Santiago de Compostela, á beira da saída 67 da Autoestrada do Atlántico) a primeira reunión preparatória do II Encontro Escolar de Xogos Tradicionais.

Nesta reunión serán acordadas as condicións nas que se vai desenvolver o II Encontro, condicións tais como o lugar (ou lugares, no caso de que sexa preciso realizar a convocatória en vários pontos de Galiza), a data de celebración, o número de nenos e nenas participantes, etc.

Continúa a se desnvolver a Liga Nacional de Billarda no Norte de Lugo.

Vindouro domingo, 8 de xaneiro será o concello de Trabada quen sirva de marco para a celebración da 5ª xornada desta particular Competición.

Será a primeira vez que o concello do interior da Mariña luguesa acolla esta celebración, que terá lugar apartir das 15.30 h. no Multiusos de Trabada