Brinquedia

Nas pasadas semanas, concretamente o 9 e 10 de xullo, levouse a cabo a Asemblea de verán da AEXDT. Foi nesta ocasión a localidade portuguesa de Guarda, através dos amigos da Associação de Jogos Tradicionais da Guarda quen acolleu o evento.

A situación actual da Asociación, así como os contatos coa UNESCO e con outras entidades e institucións de distintos puntos do mundo, centraron parte das conversas mantidas nestas xornadas.

Tamén houbo lugar para algunhas demostracións de xogos tradicionais, chegados desde distintos lugares: Neste senso, houbo espazo para a reflexión sobre o deseño do espazo que se pretende para as futuras convocatorias do Euro-festival de xogos.

Pasado sábado 22 de maio, o Pazo de Feiras e Congresos de Lugo acollía a celebración do V Encontro Escolar de xogos tradicionais, organizado por Brinquedia.
Máis de 500 escolares de 13 centros de ensino de distintos puntos do país, que levan traballado durante o curso a temática do noso patrimonio lúdico participaban nesta xuntanza que chegaba por primeira vez ao territorio lugués. A razón de ir rotando a celebración do Encontro escolar por todos os territorios galegos é a de achegar o máis posíbel aos centros de ensino de todo o país para procurar unha maior participación.

No pasado mes de decembro (entre os días 4 e 8 dese mes), o recinto feiral de Expourense acollía unha nova edición de Megaxove, que chegaba nesta ocasión á súa 10ª edición.
O Salón da Xuventude ofreceu máis de 50 actividades culturais, lúdicas e deportivas orientadas a toda a familia, malia nomeadamente estaban pensadas para a infancia e a mocidade.
Entre os 8.000 metros cuadrados de exposición, os xogos tradicionais tiveron o seu lugar. Brinquedia destinou a distintas accións informativas, divulgativas e de práctica.

Nas pasadas datas desenvolveuse na comarca burgalesa da Ribeira do Douro un Encontro internacional de xogos tradicionais, no que se incluían distintas actividades, entre as que salientaban a celebración da Asemblea de verán da Asociación Europea de Xogos e Deportes Tradicionais - AEXDT, un Congreso sobre xogos tradicionais e saúde ou un encontro entre distintas modalidades de xogos europeos.
A asemblea serviu para botar unha ollada cara atrás, 8 anos despois da fundación, renovar o Consello de Administración e propoñer a creación dunha entidade de carácter mundial, para a que xa houbo contatos ao longo do último ano.

Esta fin de semana, Aranda del Duero acollerá un importante número de actividades arredor do xogo tradicional. Ademáis do Congreso de xogos (anunciado noutra nova deste web), o Palacio dos Condes de Avellaneda (en Peñaranda de Duero) acollerá tamén a Asemblea da Asociación Europea de Xogos e Deportes Tradicionais – AEXDT, na que máis unha vez participará Brinquedia, ademáis dun Encontro internacional de xogos tradicionais. Galiza terá o seu espazo neste encontro, con presenza de 3 modalidades de Chave, 1 de Birlos e a Loita galega. Ademáis da galega, participarán tamén delegacións de Aragón, Asturias, Canarias, Cantabria, Castela e León, Cataluña, Valencia, Dinamarca, Finlandia, Francia e Portugal, entre outras.

Pasado sábado 30 tivo lugar, no recinto feiral de Silleda o IV Encontro de xogos tradicionais. A previsión de participantes (polas inscricións) rondaba as/os 800 rapazas e rapaces, aínda que finalmente esta viuse incrementada, tanto pola parte dos centros de ensino como de numerosas familias da comarca que se achegaron até as instalacións da FIG aproveitando as boas condicións climatolóxicas (cicais de máis) da xornada.
Ao longo de todo o día, as/os máis pequenas/os puideron praticar un bon número de xogos, ademáis de construir distintos brinquedos ou gozar da narración oral de Celso Sanmartín, aínda que cicais o máis salientábel foran os momentos partillados coas persoas maiores, portadoras do noso patrimonio lúdico.
Colgamos algunhas fotos do día, cortesía de Antón Cortizas, Anxo López Eiriz, Paco Veiga e -nomeadamente- de Anxo Iglesias, a quen corresponde a foto da esquerda.

Hoxe tivo lugar no MUPEGA, en Compostela a presentación da IV edición do Encontro escolar de xogos tradicionais. Este ano serán as instalacións da FIG, en Silleda, as que acollan o evento, no que están inscritas/os arredor de 800 escolares de 17 centros escolares de todo o país. O acto decorrerá toda a xornada do sábado 30 de maio desde as 10.30 h. ofrecendo distintos espazos para a prática e exibición de distintos xogos tradicionais.
Nesta edición contamos coa colaboración da Fundación Paideia-Galiza, do Concello de Silleda, da FIG, do CRDOP Arzúa-Ulloa, do MUPEGA e de GADISA, ademáis de estar á espera de contestación da Consellaría de Educación e da Fundación Deporte Galego.