Na última fin de semana de maio, concretamente os días 26, 27 e 28, tivo lugar no Val Miñor o III Encontro Inter-Continental de Bolos Celta, organizado pola Federación Española e a Federación Galega de Bolos. O Encontro reuniu en Gondomar e Nigrán a numerosos xogadores de Galiza, Arxentina, Uruguai e Asturias.
Mañá 22 de xuño, terá lugar a 2ª parte deste Encontro, con unha xornada adicada aos escolares. A Federación Galega de Bolos e os clubes do Val Miñor convidan aos escolares de toda Galiza a pasar unha xornada de convívio arredor desta modalidade dun dos deportes máis populares do noso Património Lúdico.

Aproveitando o II Encontro Escolar, pasado 20 de maio, vía a luz o número 1 do Boletín de Brinquedia - Rede Galega do Xogo Tradicional.

Este Boletín, tanto en edición dixital como en papel, vai achegar aquelas novas máis relevantes que -mes a mes- se vaian producindo no noso país con repeito do Património Lúdico.

O deseño e maquetación do mesmo corre por conta de Belén Fernández Guzmán e Xosé Díaz Díaz, membros da AGXPT.

Finalmente non se pudo desenvolver tal e como estaba previsto o II Encontro Escolar Galego de Xogos Tradicionais pasado 20 de maio en Culleredo.
Tras comprobar o estado no que se atopaban as instalacións da Acea da Ma, depois de aguantar a chuva da noite anterior e a que se seguía producindo na mañá do sábado, e ante a dificuldade (imposibilidade) de contar con un espazo cuberto que acollera 5 zonas de xogos diferenciadas para 900 rapazes, decidiu-se adiar o evento.

Mañá sábado 20 de maio as instalacións que a Fundación Deporte Galego ten na Acea da Ma (Culleredo) acollerán o II Encontro Escolar Galego de Xogos Tradicionais. Cuase 900 nenos e nenas de distintos pontos do país participarán desta actividade, aos que lle hai que somar outras 70 persoas entre coordenadores e colaboradores.

Apartir das 10 h. ao longo de toda a manhá, os/as escolares praticarán distintos xogos, distribuidos en 5 zonas e con rotacións periódicas. En cada unha destas zonas, haberá un espazo para a prática de 4 ou 5 xogos distintos; sendo o obxectivo de que todos os nenos pratiquen cada un deles. Entre estes xogos, están A Porca, O gato e o rato, A Zoadeira, Pase-Misí, Carreira de Sacos, A Turra-soga, A Ra, a Zorregada Co cinto, As Lombas, O Brilé...

Mañá martes 16 de maio ás 11 e meia da mañá terá lugar a presentación do II Encontro Escolar galego de Xogos Tradicionais.

O acto terá lugar nos locais da Dirección Xeral para o Deporte, no Multiusos de San Lázaro (Santiago de Compostela). Na mesma participarán, ademáis de representantes de Brinquedia, o xerente da Fundación Deporte Galego, Javier Rico, o Director Xeral para o Deporte, Santiago Domínguez Olveira, o Director Xeral de Xuventude e Solidariedade, Rubén Cela Díaz, Xesús Glez. Serén, do MUPEGA e Beatriz Ríos Cebreiros do Consello Regulador Mel de Galicia

No Encontro, que este ano vai ter lugar vindouro sábado 20 de maio nas instalacións que a Fundación Deporte Galego ten na Acea da Ma, en Culleredo, conta tambén coa colaboración da Dirección Xeral de Xuventude e Solidariedade, do Museo Pedagóxico de Galicia, do Concello de Culleredo e do Consello Regulador Mel de Galicia.

A participación deste ano vai-se ver notabelmente incrementada ao estar inscritos cuase 900 escolares de distintos lugares do país, que gozarán de máis dunha vintena de xogos tradicionais ao longo da xornada.

Baixa-te o programa aquí

Un ano máis chega o Día das Letras Galegas (vindouro 17 de maio), e con el un grande número de actos de todo tipo ao longo de todo o país. Un dos máis interesantes é o que se celebra desde o ano 2002 na vila ourensá de Vilanova dos Infantes. Trata-se da Romaría Etnográfica Raigame, que chega á súa V edición.

Entre as actividades das que se poden disfrutar no evento atopa-se o teatro e títeres, a música, e a ambientación polas rúas. Os participantes que cada ano acoden a romería deleitan aos visitantes con bailes populares, contacontos, artesanía e xogos. Xogos tradicionais que este ano van ocupar un lugar mui especial dentro da Romaría.

Máis información

Este web, adicado ás lendas e á tradición oral galega en xeral, ven de abrir un apartado ben interesante adicado aos xogos, onde nos ofrecen información de distintas prácticas lúdicas da nosa Cultura.

Botade unha ollada

Co gallo da celebración do Día das Letras Galegas, o Departamento de Deportes do Concello de Boiro levará a cabo unha xornada de xogos tradicionais.

A actividade vai-se desnvolver ao longo de todo o día, ocupando dous espazos distintos. De mañá, será no Parque da Cachada onde, apartir das 11 terá lugar a prática de distintos xogos tradicionais e de tarde os actos trasladarán-se para Pomardorrío (Cures), onde se celebrará un Torneu de Bolos.

Mércores 19 de abril vai dar comezo unha nova edición dos Encontros de Xogos Populares do Barbanza, organizados por distintos Centros de Ensino da bisbarra, coa esperanza de que nenos e nenas disfruten e aprendan coas práticas do noso Património Lúdico. Nesta ocasión participarán nenos e nenas dos seguintes coléxios:
- CEIP Emilio Navasqües de Cruceiro de Roo (Outes)
- CEIP Ricardo Tobío de Esteiro (Muros)
- CEIP de Louro (Muros)
- CEIP de Carnota

Vindouro mércores 5 de abril, ás 6 e meia da tarde, o Museo Pedagóxico de Galiza - MUPEGA acollerá umha nova reunión preparatória do II Encontro Escolar de Xogos Tradicionais, previsto para o 20 de maio nas instalacións da Acea da Ma, dependentes da Fundación Deporte Galego e sitas no concello de Culleredo.